دخلت معلمة العربي ورحبت فيهم كـ طالبات اول مره تدرسهم وتكلمت معاهم عن منهج المدرسه وكيف راح يكون اسلوبها معاهم و....الخ بعد ما كملت كلامها طلبت من الطالبات التوجه الى قاعة المسرح للأستماع لكلمة المديره توجهو جميع طالبات المدرسه للمسرح القت المديره كلمة ترحيب بالطالبات الجدد الي هم طالبات اولى ثانوي وتمنت لجميع الطالبات التوفيق وعام دراسي ملئ بالتفوق والنجاح وبعد مرور الوقت بكل سرعه انتهى دوام المدرسه ورجعت نوره ومحمد الى البيت كانت نوره قمة في التعب لدرجة انها راحت تنام ولا انتظرت الغدى جلست ام عبد الرحمن مع حمود وجلست تطالع في كتب محمد الجديده وجلسو يتكلمو عنها مضى الوقت ومضت الايام وما بقى على الاختبارات النهائية غير يومين!! نوره تكلم صاحبتها نوف وهي خايفه نوره: يالله نوفووووووووو والله بموت من الخوف احس حالي ما اعرف شي بالرياضيات نوف:علينا هالكلام يا نوره انتي صلي ع النبي وقومي ذاكري وان شاء الله راح يصير سهل في نظرك صدقيني انتي ذكيه وما ينخاف عليك الدور الباقي علي انا الي كل سنه ادخل في دور ثاني نوره: افا عليك وانا صاحبتك شرايك تجي تذاكري معي؟؟ نوف:هاااا وش قلتي لا اكيد ماما ما راح ترضى نوره:ليه؟؟؟؟؟؟؟؟؟؟؟؟؟؟؟؟؟؟؟؟؟ نوف:بتقولي اكيد رايحه تلعبي وتضيعي وقت ولا انا اعرفك وجهك مو وجه مذاكره نوره:خلاص انا بكلمها وبقنعها نوف:نوره الله يخليك لا تحرجيني مع ماما امي وانا اعرفها نوره: انتي ما خصك انا بكلمها واذا ما رضت الفشله بتصير في وجهي انزييييييين نوف: طيب لحظه بخليها تكلمك نوره:طيب ام نوف: هلا والله هلا ببنتي نوره نوره من سمعت صوت ام نوف طارت كل الجرأه الي كانت فيها من ثواني ردت بكل خجل هلا ام نوف كيف حالك وش اخبارك ام نوف : بخير سلمك الله انتي وش اخبارك وش اخبار امك؟؟ نور: بخير تسلم عليك ام نوف: الله يسلمها نوره: ام نوف تعرفي الاختبارات ما بقى لها الا يومين ونوف في حاجات كثير مو فاهمتها بالرياضيات وانا ودي افهمها هالحاجات معليش لو تجي تذاكر معي؟؟؟ ام نوف: اخاف تضيع وقتك اعرف بنتي لعابه نوره: لاتخافي ما بعطيها فرصه ام نوف: ....الي تشوفيه يا بنتي نوره:شكرا يا احلى ام نوف بالدنيا يالله انا بروح اجهز حالي وبنتظر نوف ام نوف الله معك نوره:مع السلامه وصلت نوف بيت نوره واستقبلتها والي يشوف نوره يقول متفرغه ما كأنه بعد يومين اختبارات انواع الكشخه جلسو مع بعض في البدايه كانت جلسة ضحك وسوالف وبعدها دخلو بالجد وابتدت المذاكره مضى الوقت ومضت الاختبارات وبقى يوم وتطلع النتائج الكل اعصابه مشدوده نوره محمد وكل البيت كانت ام عبد الرحمن خايفه من نتيجة ولدها محمد لانه دائما يطلع ضعيف في مواد الدين لانه ما يحب الحفظ!!!!!!!!!! مضى اليوم وجا يوم النتائج ولأول مره نوره تروح المدرسه وماهي كشخه كان شكلها شاحب وخايفه من النتيجه راحت ودورت على اسمها في قائمة النتائج وشافت نسبتها 97% طارت من الفرررررررررررررحه وقتها شافت نوف وبشرتها فرحت لها نوف وراحت شافت نتيجتها وكانت 89% فرحت نوف انها ما حملت ولا ماده وهذا كله لانها كانت تذاكر مع نوره شكرت نوره وساعتها كانت تحس بالامتنان لنوره على وقفتها معاها ايام الاختبارات ولأول مره محمد يعدي مواد الدين وينجح فيهم كلهم بدون اي مساعده من اي استاذ وبكل جداره حصل على نسبة 91% الكل تفاجأ بنتيجته طبعا ابو عبد الرحمن فرح بنتيجه ولده لان هذا يعتبر انجاااااااااز بالنسبه لأول ............................................ تم بحمد الله انتهاء الجزء الاول اتمنى انه يحوز على اعجابكم والى القاء في الجزء الثاني مع احداث جديييييييده تساؤلات: وش ممكن يصير مع عبير وخطيبها؟؟!! وعبدالرحمن وش راح يصير في حياته هل راح تبقى مثل ما هي ولا بتتغير؟!؟!!! ونوره المرررررحه وش ممكن يصير لها مع تقدم الايام؟؟؟؟!!!! وحمود الكسوووووول هل ممكن يتغير ويحب الدراسه؟!؟!؟!!!!!!!! ونشوف وش الاحداث الي راح تصير
يتـــــــــــــــــــــــــــــــــــبع
الجزء الثاني ..........
أنيسة رهايف مبدع
العمر : 15 سجّل في : 20 فبراير 2008 عدد المساهمات : 2133 الموقع : فـ قلب امي ـــي
بعد استلام النتائج راح الخوف الي كان ساكن قلوب الجميع نوره وهي تكلم نوف صاحبتها نوره:آآآآآآآآه الحين ابتدت الاجازه بجد يا نوف نوف:ههههههههههههههههه نوره:الا صحيح نوف وش ناويه تسوي في هالاجازه نوف:والله شكلنا راح نقضيها بالبيت!! نوره: اممممم ليه؟؟ نوف:ابوي عنده مشروع قاعد يشتغل عليه الحين وما احد راح يهتم بالمشروع كثره ولا يقدر يتركه ويسافر وتعرفي احنا ما نحب نسافر بدونه!! نوره:اهاااااا نوف:وانتي بتسافري؟؟ نوره:ايييييه بسافر نوف:عن جد والله حركااااااااااات ،، وين ناويه تروحي؟؟ نوره:هههههه لا تفرحي مره ما بروح بعيد لان اصلا الاجازه ما تسمح قصيره مره بس دحوم اخوي وعدني اذا جبت نسبه يسفرني معاه اي مكان ابي بس بشرط تكون دوله عربيه وقريبه بس لحد الحين ما اخترت ومحتاره وش اختار نوف:من قدك يا نويره ياليت عندي اخو مثل اخوك نوره:ههههههههه لا تحسدي لا ينقلب بعدين ،، وبعدين وين راحو اخوانك مشعل ونواف نوف:هههههههههه لا تضحكيني بس مشعل لاهي بالشغل حقه ونواف ما اكلمه صار لي 5 شهور نوره:افااااا 5 شهور يالظالمه نوف: (ترد وصوتها فيه انكسار) هذي سالفه قديمه وما ابي اتكلم فيها نوره:طيب انا اسفه ما كان قصدي ازعجك (نوره تحب تلطف الجو شوي) الا ما قلتي لي وش تبي اجيب لك هديه لمى اسافر عاد مو تصدقي حالك تطلبي شي غالي تخسري اخوي بعدين نوف+نوره : هههههههههههههههههههههههههه تجي ام عبدالرحمن في هالوقت وتكلم بنتها نوره ام عبد الرحمن : نوره ما خلصتي تلفون كل هذي سوالف؟؟؟؟؟؟؟؟؟ نور: لحظه نوف امي تكلمني ،، ماما يعني وش تبيني اسوي اجازه والدنيا زهق مافي شي اسويه ام عبد الرحمن:شرايك تجربي تسممينا قصدي تعشاينا اليوم نوره:يعني كيف؟؟ ام عبد الرحمن: يعني بمناسبة نجاحك تقومي تطبخي تعملي لنا عشى يعني نوره:هااااااا وش قلتي؟؟ ام عبد الرحمن: لا ابد سلامتك نوره: انا موافقه بس تحملو النتائج ؟؟ يعني اذا قضيتو هالليل بالمستشفى مالي دعوه؟؟ ام عبد الرحمن : فال الله ولا فالك اقول خلك في سوالفك مع صاحبتك ابرك نوره: انزين ،، هلا نوف نوف: هلا نوره نوره:تأخرت عليك؟؟؟ نوف: لا عادي ع العموم انا الحين بقوم اروح السوق بعد يومين ملكة بنت خالتي وما شريت شي لحد الحين!! توصي على شي؟؟؟ نوره:سلامتك والف الف مبروك وعقبال ما اروح السوق اشتري حق ملكتك نوره+نوف:هههههههههههههههههههه نوف:يالله مع السلامه نوره:مع السلامه ^^^^^ تقوم نوره وتتجه لغرفة اخوها عبد الرحمن لمى قربت من الغرفة سمعت صوت ضحك عبد الرحمن بدون قصد وقفت وقامت تسمع وش قاعد يصير عبد الرحمن:تعرفي ياعمري انا ما اقدر على زعلك انتي بس امري تدللي المجهول: (.........................) عبدالرحمن:ياحياتي فديتك ،، تدري انك وحشتيني المجهول: (.........................) عبدالرحمن:صحيح وكيف صار شعرك؟؟ المجهول: (.........................) عبدالرحمن يا حركااااااااااااااااات اجل طلع فله بعد القص المجهول: (.........................) عبد الرحمن:تعرفي يا حياتي انا احبك في كل حالاتك ..... نوره انصدمت بعد الكلام الي سمعته معقول هذا اخوي؟؟ مستحيل اتجهت نوره غرفتها وكانت الافكار متداخله ومو قادره تفهم شي من هذي الي يحبها اخوي؟؟؟؟؟ معقول يكون اخوي مثل باقي الشباب يلعب على بنات النااااااس؟؟؟؟؟ لا مستحيل عبد الرحمن بن فيصل يكون كذا نوره: انا لازم اعرف من هذي لاززززززززززم وبعد لازم اكلم اخوي عبد الرحمن بس وش اقوله؟؟ اقوله ترى انا سمعتك وانت تقول هالكلام؟؟؟ لالالالالا مستحيل ياربي وش الي خلاكِ يانوف تقفلي؟؟ اوووووووووف انا لازم اقوي نفسي واقوم الحين الحين اكلمه تقوم نوره وتتجه من جديد لغرفة اخوها ولمى وصلت تكلمت بصوت عالي عبد الرحمن ممكن ادخل؟؟ عبد الرحمن:بصوت منخفض اقول انا ضروري اسكر نوير اختي جايه ويقول بصوت عالي اكيد تفضلي نوره وهي تصنع الابتسامه في وجهها كيفك اخوي؟؟ عبد الرحمن: من وين طالعه الشمس اليوم نوره:خلي عنك هالكلام انا اتكلم جد وش اخبارك؟؟ عبدالرحمن:والله انا بخير انتي وش اخبارك؟؟ نوره:الحمدلله،، اقول... عبدالرحمن:قولي نوره: مو انت وعدتني اذا جبت نسبه نسافر؟؟؟ عبد الرحمن: اكيد وما زلت عند كلمتي بس انتي وين حابه تسافري؟؟ نوره: ما ادري اي مكان بس يكون غير هالمكان!! عبدالرحمن: لهدرجه؟؟ نوره: ايه انا ضايق خلقي وابي اغير جو بس ما ادري وين عبدالرحمن:طيب وش رايك نروح مصر؟؟ نوره:اخاف الجو فيها الحين حار؟؟ عبدالرحمن:شدعوه بتجلسي بالشارع؟؟ نوره:<< ابتدت تنسى الي صار من شوي ورجعت نوره الاوليه هههههههههههههههههههههههه لا بس مافي احد يروح مصر وما يزور الاهرامات واذا حر انا بتعب عبدالرحمن:لا الحين الجو فيها حلو طيب خليها على جنب اذا مو عاجبتك شرايك نروح لبنان؟؟ نوره:الله فكرررررررره فلللللله عبدالرحمن:طيب خلاص اليوم اكلم مكتب الخطوط واحجز على لبنان في اقرب وقت نوره:اذا حجزت لا تنسى تحجز لنا في فندق 5ستار اوكي عبد الرحمن:تامري امررر نوره : وهي قمه في السعاده يسلمك ربي يا اغلى اخ بالدنيا عبدالرحمن:الله يخليك نوره:ها اقوم اجهز حاجاتي ؟؟ عبد الرحمن:هههههههههههههههههههههه شفيك لسى ما حجزت نوره:ايه عشان بعدين ما احس بالزحمه تعرف انا مهمه واكيد قبل ما اسافر صاحباتي راح يجو يودعوني عبدالرحمن:يودعوك خخخخخخخخخ سلامات وين رايحه بتهاجري على غفله؟؟ نوره:انزين خلاص بلا تريقه ما بجهز شي الا لمى تقولي ،، يالله سلام عبد الرحمن:سلام
مسكينه تريزاا!! مالحقت توصل الا والجرس يرن من جديد وتنزل بسرعه قبل ما تصير حفلة من جديد!! وتفتح البال ورد ( طبعا هذي انسانه هادئه ودائما تتكلم مع الناس بذوق )) مرحبا تريزا كيف حالك؟؟ تريزا : (( مو مصدقه ان في احد يسألها عن حالها )) الحمدلله مدام تفضلي.. ورد (( بنعومه )) شكراا وتتجه تريزا من جديد لغرفة نوره وهالمره قبل ما تركب الدرج رن الجرس تروح وتفتح الباب مي (( هذي اكثر وحده مهستره بالشله وعلى قد ما اسمها صغير جسمها كبير!! مسكينه سمينه )) هااااااااي تريزا وتحرك يدها وتمسك خدود تريزا وتسحبهم وتقول بصوت كله ازعاج how are you تريزا ترد بتعب : i'm fine.... welcome تدخل مي وبكل مرح الله البيت بااااااااارد ايه هذا الجو ولا بلاش وتروح غرفة استقبال الضيوف وتسلم على ورد و نوف وكـ العاده بطريقه كلها ازعاج و من جديد تروح تريزا وتعطي خبر لـ نور انو صاحباتها وصلو تستأذن تريزا بالدخول ومن بعدها تدخل اول ما شافت نور نست هي جايه عشان ايش كان شكلها قمة في الروعه كانت لابسه تنوره ورديه قصيره وواسعه ولابسه معاه تي شيرت مخصر ومقطوع ومطلع شكلها رووووووووووعه وشعرها الكستنائي مموج وطالع مره حلووو نوره تترك علبة الميك اب : خير تريزا شتبي تريزا وهي مفتحه عيونها : مدام ورد و نوف ومي تحت في غرفة الضيوف نوره : طيب اذا جات مروى تعالي عطيني خبر تريزا : طيب نوره: ولا تنسي لمى تنزلي تقدمي لهم عصير وشوكلاته وتقدمي بعد كذا بخور تريزا: ان شاء الله نوره: تكمل لمساتها الاخير وتحط في وجهها بودرة خدود بسيطه ولون زهري بسيط بشفايفها وتتعطر..الخ وصلت مروى ودخلت غرفة استقبال الضيوف وراحت تريزا تعطي خبر لنوره ان مروى وصلت خلصت نوره وصارت جاهزه وطلعت من غرفتها وهي بكامل اناقتها لمى قربت من الدرج الي يطل على الطابق الاول شافت اخوها عبدالرحمن قاعد يطالع بالطابق الاول نوره: سلالالالالالالاماااااااااات دحوووووم شقاعد تسوي هنا ها؟؟ عبدالرحمن يتخرع من جيت اخته المفاجأه: بسم الله الرحمن الرحيم شفيك انتي خرعتيني .. لا بس كنت اطالع بالبيت من فوق لتحت كيف يصير؟؟ نوره: بالله... طيب انا الحين مشغوله ما راح اضيع وقت يالله باي عبد الرحمن : باي راحت نوره وسلمت على صاحباتها مروى: شهالحركات يا نوره تصدقي لو هذا خطيبي جاي يشوفني ما سويت في حالي كذا نوره: انتي اصلا طول عمرك متخلفه واتوقع بعد انه لمى يجي تلبسي قميص اكمام اخضر وتنوره طويله حمره؟؟ ورد + نوف + نوره ههههههههههههههههههههههههههههههه مروى بحيا ترد : لا شدعوه مو كذا بس اقصد اني ما... نوره: بس بس اسكتي نوره : تطالع في ورد صاحبتها وكان وجهها شاحب وواضح عليه تعب او شي كذا تقول خير وررررررررد شفيه وجهك تعبان؟؟ ورد: ها لا ابد مافيني شي بس اكيد تعبانه لانك بتفارقينا هههه نوره: علي انا هالكلام ما حس قلبك بالغرام : خخخخ لا والله جد اتكلم وش فيك ورد : لا ابد بس صاحيه من امس ويمكن بديت اتعب نوره: تحبي تروحي تنامي بغرفتني ورد : هههههههه ياليت نوره: انتظري بس اليوم بنام فيها وتعالي استلميها من بكره ههههه تدخل مي بالنص اقول نوره قولي حق تريزا تجيب لي شوكلاته لان هذا قطع صغيره وما يشبع نوره: ههههههههه وانتي ما تتغيري همك بطنك!! تقوم نوره تطلع عشان تقول حق تريزا هالكلام ولمى فتحت الباب شافت عبد الرحمن واقف قرب الباب نوره: يا سلالالالالالام والله بقول حق امي عبد الرحمن: وش هالسخافه انا كنت جاي اشوف طاح قلمي هنا لمى جيت اسلم على خالتي وصدفه انتي طلعتي بوجهي نوره: مو وقت هالكلام عن اذنك عبد الرحمن مستحي من الموقف كان قوي عليه طلعو صاحبات نوره والوقت كان متأخر وكان اليوم جدا متعب بالنسبه لنوره لانها صاحيه من الصباح ومن وقتها ما ارتاحت راحت لغرفتها عشان تنام قبل ما تدخل غرفتها عبد الرحمن : نوره لحظه قبل ما تنامي ابي اكلمك نوره وهي دايخه : بكره انا بوجهك طول اليوم وما معانا احد تقدر تكلمني بأي وقت يالله تصبح على خير عبد الرحمن تصبحي على خير ************************* ابتدى اليوم الجديد وكانت الساعه 10 الصباح صحت نوره وهي قمه بالنشاط وقامت تستعد للسفر نزلت وجلست مع امها وابوها في هالوقت كان عبد الرحمن يجهز حاجاته << يا بروود اعصابه في هالوقت دخلت عبير وعلي وجلسو مع نوره وامها وابوها علي + عبير : السلام عليكم الجميع : وعليكم السلام علي : ها نوره اليوم مسافره
نوره: ايه اليوم ... ارجوك يا روميو لا تغنيلي لا تلوح للمسافر المسافر راح علي + عبير ههههههههههههههههههه عبير : سلامات هو ما غنى عشاني يغني عشانك نوره : انا غير ونوره دايم غير ع العموم بكره يجي روميو حقي ويغني لي لحد ما اقوله اسكت يا نشاااااااز الكل ضحك على كلامها نزل عبد الرحمن وكانت بيده شنطة السفر دخل الصاله عبد الرحمن: السلام عليكم الجميع: وعليكم السلام عبد الرحمن : نوره قلتي حق تريزا تنزل حاجاتك؟؟ نوره: لا عبد الرحمن : قومي قولي لها لان الساعه 11:30 احنا بنروح المطار نوره: طيب عبد الرحمن : وخلك جاهزه انا بطلع اشتري حاجات وبرجع ونطلع اوكي ؟؟ نوره : ان شاء الله ،، بعد كذا قامت وقالت حق تريزا تنزل حاجاتها ( هنا بدت تحس نوره انها جد راح تسافر ) بدا يعورها قلبها على فراق اهلها حتى محمد الي دوم تتهاوش معاه << البنت لسى ما سافرت وهي كذا قامت وخلصت حاجاتها وما بقى الا انها تلبس عبايتها وتطلع ع المطار في هالوقت وصل عبد الرحمن وطلب من السايق ينقل الشنط للسياره وراح قال حق نوره عبدالرحمن: يالله نوره الحين بنطلع نوره: قامت وسلمت على امها وابوها وعبير وعلي ومحمد توصوني على شي؟؟ الجميع: لا سلامتك تروحي وترجعي بالسلامه ام عبد الرحمن: عبد الرحمن ما اوصيك انتبه على اختك ترى مالها غيرك وانتي بعد نوره مو تكثري طلبات على اخوك ولا تزهقيه نوره+عبد الرحمن : ان شاء الله وطلعو متجهين للمطار في رعاية الله وحفظه ***************** تم بحمد الله الجزء الثاني اتمنى انه يحوز على اعجابكم والى القاء في الجزء الثالث مع احداث جدييييده تساؤلات: يا ترى وش توقعاتكم للأحداث القادمه مين الي يحبها عبد الرحمن؟؟ وايش ممكن يصير لـ نوره مع عبد الرحمن في لبنان؟؟؟؟؟؟ وكيف راح يكون البيت من غير نوره و عبد الرحمن؟؟؟؟؟
موضوع: :.|[ღ]|. حبيبي صعب نسيانك .|[ღ]|.: 
الخميس ماي 08, 2008 2:31 pm
